CUPA sofita a Gotor

Dempués d'estudiar los programes y trayectories de los candidatos a Rector de la Universidá d'Uviéu presentes na segunda vuelta, a celebrar esti miércoles 23 d'abril de 2008, dende'l Conceyu Universitariu por Asturianu (CUPA) consideramos manifestar públicamente la nuesa posición respectu a estes elecciones, pues pensamos que la Universidá d'Uviéu ta nun momentu decisivu y hestóricu, énte una oportunidá nueva pa convertirse nuna universidá verdaderamente asturiana, qu'esista por y p'Asturies y los asturianos, abierta a la universalidá, lo qu'entama por asumir y nun despreciar la cultura propia, situando al idioma asturianou como vehículu d'espresión conviviendo n'igualdá col castellán. En definitiva, tamos énte una ocasión única pa que la Universidá d'Uviéu dexe de ser una institución separtada de la sociedá na que vive p'aceptar y reconocer por fín la realidá billingüe del territoriu asturianu.


Dempués de presentar un documentu de Propuestes de Trabayu pa la Normalización Llingüística y Cultural na Universidá d'Uviéu (2008-2012) y ver la bona acoyida del Sr. Gotor y el so equipu pa desenrrollales en casu de ser escoyíu Rector, paeznos que ye de xusticia apoyar una candidatura que va cuatro años yá firmó un documentu bien importante a favor del asturianu y qu'agora, cuatro años más tarde, aumenta esi compromisu aceptando tener como base pal diálogu y el trabayu unes Propuestes de Trabayu que cubren tolos campos necesarios pa la normalización de la llingua asturiana na Universidá d'Uviéu.


El Conceyu Universitariu pol Asturianu entiende, poro, que'l trunfu de la candidatura de Don Vicente Gotor resultaría especialmente positiva y afayadiza pa construyir una nueva Universidá billingüe qu'asuma y potencie la llingua asina asina como otros elementos de la cultura asturiana. Por tanto dende'l CUPA encamentamos a toles persones que conformen la comunidá universitaria y que tengan apreciu pola llingua y cultura asturianes, a que'l próximu miércoles voten a Don Vicente Gotor como nuevu Rector de la Universidá d'Uviéu, pa qu'ésta por fin seya una Universidá de y p'Asturies con toles consecuencies.

Esto ye mui interesante. Paez que tán amarraos los dos candidatos de la segunda vuelta pal tema del asturianu.

Ta claro que gane quien gane l'asturianu entama a tener na Universidá un status mui distintu. Salimos ganando toos. Per primera vegada l'asturianu ye lo que xune a una candidatura de dereches y a otra d'izquierdes. Esti ye'l camín. Bien

No entiendo que hace una persona liberal como Gotor apoyando ese invento del bable de laboratorio.
Esa supuesta normalización es imposición y ataque al español, nuestra lengua.

Patriota, tu si que yes un patriota "de laboratorio"...

¿Nun quedáramos que Gotor trabayaba nun llaboratoriu? En serio, Gotor ye un científicu, non una pita llueza. Poro, Gotor sofita l'asturianu, qu'anque suxetu a unes regles ye una llingua reconocía por toos -menos polos socialistes asturianos y dellos patriotes "pseudopatriotes" diría yo.

Patriota, negar l'asturianu ye negar España... ¿Habrá llingua romance española más antigua que'l nuesu asturianu? Ye más, la gramática de Junquera Huergo ye la más antigua d'España, esceptuando la castellana, fecha por Nebrija, un filólogu d'orixe xudíu -non cristianu. Junquera Huergo yera católicu, ergo yera más español que'l propiu Nebrija.